“Заря” авыл хуҗалыгы җитештерү кооперативы терлекчеләре малларны кышлату чорына ныклы әзерлек белән керде. Җәйге-көзге көннәрдә җитәрлек күләмдә мал азыгы хәзерләнде, ферма бинасы тиешенчә ремонтланды. Хуҗалыкта 1595 баш эре мал исәпләнә, шуларның 363е – савым сыерлары, калганнары –төрле яшьтәге терлекләр. Атлар саны 95.
Безнең иҗади төркем сөтчелек фермасында булып, андагы эш барышы белән танышты. Кооператив рәисе Зәбир Фәнил улы Гыйлемхановның оста оештыручы, булдыклы җитәкче, белгеч икәнен районыбыздан читтә дә яхшы беләләр.

13 гыйнварда республика башкаласында “Башинформ” агентлыгының Конференц-холлында Русия матбугаты көненә багышлап үткәрелгән чарада 2014 ел йомгаклары буенча республика киңкүләм мәгълүмат чараларының иң яхшы хезмәткәрләрен бүләкләү тантанасы да үтте.
–Минем республика журналистларына һәм киңкүләм мәгълүмат чаралары продукциясен аларны укучыларга җиткерү процессын тәэмин итүче барлык нәшер итүчеләргә ихлас рәхмәт сүзләрен җиткерәсем килә.

Районыбыз авылларында һәм район үзәге предприятиеләре һәм оешмаларында боздан эшләнгән шәһәрчекләргә һәм фигураларга конкурс ел саен үткәрелә. Бу күркәм традиция быел да дәвам иттерелде.
Яңа ел бәйрәме алдыннан, 30 декабрьдә, район мәдәният йорты алдында үткән мәдәни чарада конкурс нәтиҗәләре халыкка җиткерелде. Муниципаль район Советы сәркатибе Илгиз Ихсанов җитәкчелегендәге махсус комиссия урыннарда боз шәһәрчекләрен һәм андагы әкият геройларын карап һәм фотоматериаллар белән танышып чыкканнан соң түбәндәге авыл билә-мәләренә призлы урыннарны бирергә карар итте.

Иске елны озатып, яңасын каршы алган мәл – 30 декабрь көне төрле могҗизалы-тылсымлы вакыйгаларга бай булды.
Райондашлар бу көнне шатлык-куанычлы чараларда катнашты. Аларның берсе – җиз кыңгыраулар чыңлаткан атларның горур җилдереп баруы, гаҗәеп матур атлар күренеше. Берсеннән-берсе матур, соклангыч тройкалар, Кыш Бабай, Карсылу, Яңа ел һәм кучерлар тәүдә мәчет янәшәсендә урнашкан боз шәһәрчегенә җыелды. Әкият геройларын чынбарлыкта күргәч, үзебезне әкият илендә кебек хис иттек. Без аларның һәркайсын сәламләп, гаҗәеп матур пар атлар, Кыш Бабай, Карсылу, Яңа ел, 2015 ел символы – кәҗә-сарык костюмнарындагы геройлар белән таныштык.

Район мәдәният йортында муниципаль район хакимияте башлыгы чыршы бәйрәме үткәрелде
Биредә муниципаль район хакимияте башлыгы Риф Сәгъдәтулла улы Йосыпов, муниципаль район хакимияте башлыгының кадрлар һәм социаль мәсьәләләр буенча урынбасары Геннадий Фотеевич Крюков, район мәгариф бүлеге начальнигы Мәнзүрә Җәүдәт кызы Нәбиева, БР Дәүләт Җыелышы-Корылтай Депутаты В.В.Соколовның ярдәмчесе Мөнирә Җәмигънур кызы Мөхәммәтшина, балалар иҗат үзәге вәкилләре катнашты.

Быел илдә азык-төлек товарларына бәяләр сизелерлек артты. Шул исәптән безнең республикада да кулланучылар кәрзине кыйммәтләнде. “Башстат” мәгълүматларыннан күренүенчә, гыйнвардан алып азык-төлеккә хак 11,9 процентка арткан. Әгәр ел башыннан алып республикада инфляция 8,8 процент тәшкил итүен исәпкә алсак, бу саннарның элекке ел белән чагыштырганда шактый күбрәк булуын күрергә мөмкин.

Башкортстан Республикасы Чакмагыш районы муниципаль районының өченче чакырылыш район Советының чираттагы унсигезенче утырышы 17 декабрьдә хакимият бинасының зур утырышлар залында үткәрелде.
Аның эшендә, депутатлардан тыш, муниципаль район хакимияте башлыгы РИФ СӘГЪДӘТУЛЛА УЛЫ ЙОСЫПОВ, Башкортстан Республикасы Дәүләт Җыелышы-Корылтай депутаты, “Базы” авыл хуҗалыгы җитештерү кооперативы рәисе ВАДИМ ВАСИЛЬЕВИЧ СОКОЛОВ, хакимият башлыгы урынбасарлары һәм хакимиятнең бүлек начальниклары, авыл биләмәләре башлыклары, хуҗалыклар, предприятие-оешмалар, учреждениеләр җитәкчеләре, хокук тәртибен саклау органнары һәм киңкүләм мәгълүмат чаралары вәкилләре катнашты. Утырышны муниципаль район Советы рәисе САЛАВАТ ЗӘКИ УЛЫ ГЫЙЗЗӘТУЛЛИН ачты һәм алып барды. Көн тәртибенә тикшерүгә барлыгы 27 мәсьәлә чыгарылды.