Әй, туган җир, Иске Бәшир, дөнья ямьләп яшьнә син!
№ 21 (11105) | 25-02-2016, 10:20 | Район яңалыклары | Просмотров: 475 | Комм.: 0
2015 ел вакыйгаларга бай булды, районыбызга 85 ел тулган көннәр тарих битләренә алтын хәрефләр языла.
Әйе, языла димен, чөнки бу олуг юбилейның тәэсир көче, бүген дә тырыш хезмәтебездә чагыла җыр-моңнарыбызга кушыла, күңелләребезгә генә сыймыйча киңлекләргә ачыла. Һәр эшебез туган җирне баетуга юнәлгән, җырларыбыз – зурлау, данлау өчен языла. Узган елның Әдәбият елы дип игълан ителүе дә районда әдәби-мәдәни тормышны тагын да кайнатып җибәрде: яшәгән җирне данлап шигырьләр язылды, көйләргә салынды, кичә-концертларда башкарылды. Хәзер һәр авылның үз җыры бар. Үзешчәннәрнең район бәйгесен дә шушы олуг бәйрәмгә багышлау җыр-моңнарны халыкка таратырга киң мөмкинлек тудырды. Кайсы гына коллектив чыгышын карама, туган якны сөю белән сугарылган гүзәл җырлар башкарыла. Үзебез иҗат иткән, үз җырла-рыбыз. Иске Бәшир авыл Советы авыл биләмәсе үзешчәннәренең чыгышы да туган җиргә мәдхия булды.
Исеме җисеменә туры килеп тора
№ 20 (11104) | 19-02-2016, 10:33 | Район яңалыклары | Просмотров: 328 | Комм.: 0
“Победа” авыл хуҗалыгы җитештерү кооператив-колхозы әгъзаларының узган хуҗалык елына йомгак ясау һәм агымдагысына эшчәнлек юнәлешләрен билгеләүгә багышланган хисап-сайлау җыелышында муниципаль район хакимияте башлыгының беренче урынбасары Ригат Нурый улы Хаҗиев, Тозлыкуш авыл Советы авыл биләмәсе хакимияте башлыгы Зөлфия Мөбәрәк кызы Камалова, ярышучы хуҗалык – җаваплылыгы чикләнгән “Бәхтизин” җәмгыяте директоры Мөдәрис Хәмәтҗан улы Гафаров һәм киңкүләм мәгълүмат чаралары вәкилләре катнашты.
Хәтердән чыкмый бу көннәр
№ 19 (11103) | 18-02-2016, 10:42 | Район яңалыклары | Просмотров: 369 | Комм.: 0
15 февраль илебез тарихында тирән эз калдырган көн буларак истә калды. 27 ел элек совет гаскәрләренең соңгы солдаты Әфганстан территориясеннән чыгарылды. 10 елга якын барган бу сугышта 14 меңнән артык яугирләребез катнашты. Кайберләренә туган якларына әйләнеп кайтырга насыйп булмады.
Авыл икмәкле, моңлы да җырлы да булыр әле
№ 19 (11103) | 18-02-2016, 10:40 | Район яңалыклары | Просмотров: 355 | Комм.: 0
“Туган якның җире – җәннәт, суы ширбәт” район үзешчәннәре фестивален карарга Рапат авылына юл тоттык. Машинада барганда телевизор-компьютер заманы, җылы өеннән уңайлы диваннан аерылып, кышкы кичтә кемнең клубка барасы килеп торыр икән, дип уйлаган идем дә, ялгышканмын. Үзешчәннәр иҗатына, гади, халыкчан башкаруга битараф булмаганнар күп икән – зал шыгрым тулы иде. Чакмагыш һәм тирә-як авыллардан да тамашачыларның булулары шатландырды.
Каһарман якташлары рухына тап төшермәсләр
№ 18 (11102) | 16-02-2016, 10:34 | Район яңалыклары | Просмотров: 300 | Комм.: 0
Җаваплылыгы чикләнгән “Бәхтизин” җәмгыяте хезмәткәрләренең узган 2015 елдагы хуҗалык эшчәнлегенә йомгак ясау, алга яңа юнәлешләр билгеләүгә багышланган хисап-сайлау җыелышында җәмгыять иганәчесе – Уфадагы 10 санлы төзелеш идарәлеге директоры урынбасарлары Рөстәм Халит улы Гобәйдуллин белән Ринат Хәбирҗан улы Вилданов, муниципаль район хакимиятенең авыл хуҗалыгы бүлеге начальнигы Алмаз Венер улы Камалов, хакимиятнең эшләр идарәчесе Илгиз Фаил улы Ихсанов, ярышучы “Победа” авыл хуҗалыгы җитештерү кооператив-колхозы рәисе Рәсүл Гата улы Фәйрүзов, Имәнлекул авыл Советы авыл биләмәсе хакимияте башлыгы Радик Рәзиф улы Тимерханов һәм киңкүләм мәгълүмат чаралары вәкилләре катнашты.
Үрнәкле гаилә, бәхетле картлык
16-02-2016, 10:30 | Район яңалыклары | Просмотров: 495 | Комм.: 0
“Яшьлегеңдә күп тырышсаң,
Эшкә бирсәң чын күңел,
Каршыларсың картлыгыңны
Бик тыныч һәм бик җиңел.
Кеше гомере төрле мизгелләргә бүленгән. Һәм аның ничек үтүе, гомер көзләренең нинди төсләр белән килүе – һәммәсе яшьлек елларының җимешедер ул. Тукайча әйтсәк, бәхетле картлык көннәренә нигез нәкъ яшьлек елларында салына да инде. Әлеге язмамның да героинясы яшьлек елларының кадерен белеп, тормышның төрле сынаулары алдында каушап-югалып калмыйча, киресенчә, үзендә илаһи көч-куәт табып, һәрвакыт алга карап гомер итүче Фәния Сабир кызы Галиуллинаны районыбызда яхшы беләләр. 35 ел гомерен райондашларыбызның сәламәтлеген саклауга бирде ул. Тугызынчы дистәне тутырып килгән Фәния апаның әлеге көндә дә һушы-акылына, зиһененә һәм, иң мөһиме, ачык күңелле һәм иман нуры сибелгән йөзләренә карап, сокланып та, хәтта кызыгып та куясың. Улы һәм килене тәрбиясендә бәхетле картлык кичерә ул.
Эшкә бирсәң чын күңел,
Каршыларсың картлыгыңны
Бик тыныч һәм бик җиңел.
Г. Тукай.
Кеше гомере төрле мизгелләргә бүленгән. Һәм аның ничек үтүе, гомер көзләренең нинди төсләр белән килүе – һәммәсе яшьлек елларының җимешедер ул. Тукайча әйтсәк, бәхетле картлык көннәренә нигез нәкъ яшьлек елларында салына да инде. Әлеге язмамның да героинясы яшьлек елларының кадерен белеп, тормышның төрле сынаулары алдында каушап-югалып калмыйча, киресенчә, үзендә илаһи көч-куәт табып, һәрвакыт алга карап гомер итүче Фәния Сабир кызы Галиуллинаны районыбызда яхшы беләләр. 35 ел гомерен райондашларыбызның сәламәтлеген саклауга бирде ул. Тугызынчы дистәне тутырып килгән Фәния апаның әлеге көндә дә һушы-акылына, зиһененә һәм, иң мөһиме, ачык күңелле һәм иман нуры сибелгән йөзләренә карап, сокланып та, хәтта кызыгып та куясың. Улы һәм килене тәрбиясендә бәхетле картлык кичерә ул.
Күңел яралары төзәлми...
№ 17 (11101) | 13-02-2016, 11:58 | Район яңалыклары | Просмотров: 321 | Комм.: 0
Иске Биккенә авылында туып, кечкенәдән үк “солдат” уенын уйнап үскән курку белмәс, батыр йөрәкле Әдип Нәҗип улы Галин, урта мәктәпне тәмамлагач, күп тә үтми армия хезмәтенә чакыру ала.
Әнисе каты авыру сәбәпле, хәрби комиссариатка мөрәҗәгать итеп, армияга китүне бераз кичектерүләрен үтенә. Һәм егетне 3 айга Уфага БТР йөртергә укырга җибәрәләр. Әлбәттә, Әфганстанда хезмәт итәчәге алдан ук егеткә билгеле була. Әмма кыю егетне берни дә куркытмый.