«Герой» авыл хуҗалыгы кооперативында мал азыгы хәзерләү комплекслы оештырылган. Мал кышлату сезонына ныклы азык базасы туплау хәстәрлегенә бик тә җаваплы карыйлар биредә. Егетләр эшләре өчен зур җаваплылык тоеп хезмәт сала, нормаларын арттырып үти. Бүгенге көндә терлекләрне азык белән тәэмин итү һәм җитештерү күләмен арттыру өчен хуҗалык механизаторлары сенаж сала, печәнне чабып, төргәкләргә урый, утарларга кайтару хәстәрлеген күрә.

21 июнь – Медицина хезмәткәрләре көне

Бу дөньяда яшәү бәхетен әни-әтиләр Ходай кодрәте белән бүләк итсә, кешеләр сәламәтлеге сагында уяу торулары белән ул бәхетле мизгелләрне табиблар мөмкин кадәр озынайтырга тырыша. Дөрес диагноз куеп, вакытында тиешле дәвалау үткәрү югалта башлаган сәламәтлекне аякка бастырырга, алай гына да түгел, гомерләрне беркадәр озынайтырга да ярдәм итә әле.

2016 елда үтәчәк Гомумрусия авыл хуҗалыгы исәбен алуга әзерлек чикләрендә республиканың шәһәр һәм районнарында агымдагы елның 5 маеннан 70 уполномоченный эш башлады. 1 июньнән исә район һәм шәһәр дәрәҗәсендәге авыл хуҗалыгы товар җитештерүче объектлар исемлеген төзү буенча 70 белгеч үз вазифаларын үтәүгә кереште. Алар исәп алуны әзерләү, оештыру һәм нәтиҗәләрне барлау буенча эш башкарачак.

Халыкларыбызны берләштерүче бәйрәм

Хөрмәтле райондашлар!

Иртәгә илебез халкы Русия көнен бәйрәм итә. 1990 елның 12 июнендә Русия Совет Социалистик Федератив Республикасы халык депутатларының беренче съезды Русия Федерациясенең дәүләт суверенитеты турында Деклорация кабул иткән иде. Русия бәйсезлек, мөстәкыйльлек алып, демократик хокукый дәүләт буларак үсеш юлына басты, иҗтимагый тормышын федерализм принциплары нигезендә оештырды.

Балалар зарыгып көткән җәйге каникул көннәре башланып та китте. Һәр ата-ана өч ай дәвамында балаларының фәһемле һәм кызыклы итеп ял итүен тели. Муниципаль район хакимияте мәгариф бүлеге белән берлектә бу юнәлештә махсус карар кабул итеп, шәхси программа эшләде.

Гадәттәгечә, быелгы район сабан туе да Тозлыкуш авыл биләмәсенә караган Кәшәк авылы янәшәсендәге Балалар-яшүсмерләр спорт мәктәбенең базасы статусын алган иркен тугайда узган шимбәдә күңелләрдә истә калырлык хезмәт бәйрәме булып шаулап-гөрләп үтте.