Яңа ел бәйрәме чорында матур гаилә юбилейларын, истәлекле гомер бәйрәмнәрен билгеләүче хөрмәтле өлкәннәребез, якташ ветераннарыбыз байтак булды.
Макаровка авылында гомер кичереп, алты дистә ел дәвамында иңгә-иң куеп тормыш сукмагыннан атлаучы Соколовлар бриллиант туйларын билгеләде. Леонид Тихонович гомере буе тимерче булып эшләгән, Анна Ивановна “Базы” хуҗалыгында төрле эшләр башкарган. Алар алты балага гомер бүләк итеп, яхшы тәрбия биреп үстергәннәр. Бүгенге көндә барысы да тормышта үз урыннарын табып, төрле тармакларда хезмәт сала. Аларны бу истәлекле бәйрәме белән Юмаш авыл Советы авыл биләмәсе хакимияте һәм “Базы” хуҗалыгы вәкилләре Е.С.Семенова, Э.Р.Әхмәтшина, Г.С.Тимофеев тәбрикләде, изге теләкләрен җиткерде һәм бүләкләр тапшырды.

Яңа ел алдыннан район эчке эшләр бүлеге һәм прокуратура хезмәткәрләре чираттагы тапкыр балалар һәм үсмерләр өчен социаль приютка бардылар.
Һәрвакыттагыча, монда тәрбияләнүче сабыйлар һәм приют коллективы безне сөенеп каршы алды. Матур итеп бизәлгән бинада күңелле бәйрәм кәефе хакимлек итә иде.

7 гыйнварда православ христианнар зур дини бәйрәм – Раштуа көнен билгели. Бу көнне Израильдә Назарет шәһәрендә изге Мария дөньяга ир бала китерә. Шушы бала туганда күктә яңа йолдыз атыла, аңа яратып Иисус исемен бирәләр. Аллаһ тәгълиматларын таратып һәм үзенең тоткан юлын иң тугрылыклы дип саклап калып, газаплы үлем кабул итеп.

Яше-карты өчен көтеп алынган, могҗизаларга бай иң күңелле бәйрәмнәрнең берсе ул Яңа ел.
Район тарихы битләренә якты, әһәмиятле вакыйгалары белән кереп калды үткәне, чакмагышлылар өчен яңа казанышлар, Башкортстанга танытырлык уңышлар елы булды ул. Басулар нигъмәте —алтын бөртекләр белән келәтләр тулды, ферма бина-лары төзек, маллар тук кышлый, продукция мул алына. Шуңа да сөенеп бәйрәм итә бүген авыл хезмәтчәне. Һәркайда күңеллелек, шатлык хөкем сөрә. Балалар бакчаларында тәрбияләнүчеләргә иртәлекләр, мәктәпләрдә – бал-маскарадлар оештырылды, мәдәният йортларында өл-кәннәр өчен кичәләр үтте. 25 декабрьдә Балалар иҗат үзәгендә муниципаль район хакимияте башлыгы чыршысына иң актив, укуда да, спортта да алдынгы, җыр-биюгә дә сәләтле укучылар чакырылды. Шул ук көнне кичен район мәдәният йортына Яңа ел кичәсенә өлкәннәр җыелды. 28 декабрьдә үткән “Сихри төн” дип исемләнгән кичә дә күңелдә уелып калырлык булды.

Без сезнең белән һәркайсыбызга үзенә генә хас ниндидер яңа ачышлар, яңа очрашулар китергән тагын бер елны тарихка озатабыз. Әлбәттә, аерым хаталар һәм күңелсезлекләр дә булмый калмады, әмма алар безгә яңа тәҗрибә тупларга, көчлерәк булырга гына ярдәм итте. Узган ел сәяси һәм икътисадый өлкәләрдә җиңүләргә, социаль һәм мәдәни даирәләрдә яңа казанышларга да бай булды. Уртак тырышлыгыбыз, максатка омтылучанлыгыбыз, һәркемнең вазифа бурычларын зур җаваплылык тоеп башкаруы нәтиҗәсендә районыбыз тотрыклы үсеш динамикасын саклап калды.