Макталмый безнең Чакмагыш
Урманнар, күлләр белән.
Балкый ул кайнар йөрәкләр,
Якты күңелләр белән.
Хезмәт кешесенең ялы күңелле үтәргә тиеш. Ә безнең “Чаткылар” агитбригадасы язын-көзен кайнап торган хезмәт участокларында эш-сөярләр күңеленә рухи азык чәчә, бу орлыклар, шытып, яңа уңышларга, биеклекләргә әйди.

Район үзәгенең Тынычлык һәм Коммунистик урамнарындагы ике катлы йортлар алдында гадәттә иртә яздан алып көз азагына кадәр аллы-гөлле чәчәкләр хуш ис таратып, тирә-якка ямь биреп утыралар. Бу йортлар кырыннан үтеп йөрүчеләр дә, шунда яшәүчеләр дә биредәге гүзәллеккә сокланмый калмыйдыр, мөгаен.

Валерий Соколов җитәкчелек иткән җаваплылыгы чикләнгән “Байбулат” җәмгыяте эшчәннәре авыл хуҗалыгы продукциясе җитештерүдә районда алдынгы урынны тота, һәр ике тармакта да икътисадый күрсәткечләр яхшыра бара. Әле басуларда хезмәтнең кайнаган чагы. Мал азыгы хәзерләү дәвам итә: яхшы сыйфатлы печән тупланды, сенаж салына. Бүгенге көнгә һәр шартлы малга 19 центнерга якын азык берәмлеге тупланды.

Матбугат – 2015
Хөрмәтле абунәче дусларыбыз!
Сезнең яратып алдырып укый торган, күпләрегезнең тугры дусты, сердәше һәм киңәшчесе дә булган “Игенче” һәм “Сакмагош саткылары” гәзитләренә киләсе елга да быел икенче яртыеллыкка язылу хаклары белән дуслыклы озынайту мөмкинлеге 31 августка кадәр генә дәвам итүен хәтерегезгә төшерәбез. 1 сентябрьдән яңа язылу кампаниясе, әлбәттә, хакларның сизелерлек үсә төшүе белән башланачак.

23-25 июль көннәрендә районыбызда үткәрелгән “Басу көне-2015” гомумреспублика семинар-киңәшмәсенең темасы уракка әзерлек һәм аны үткәрү мәсьәләләре буенча булса да, агросәнәгать өлкәсендәге һәр тармак эшчәнлегенә анализ ясау да булды ул. Басучылык-терлекчелек буенча ирешелгәннәр дә, бурычларның алда торганнары да республика җитәкчеләре, белгечләре тарафыннан телгә алынды.

Барыбыз да белүебезчә, 2014 елның гыйнвар аенда дәваханә табибларына алдан язылып бару өчен Башкортстан Республикасы Сәламәтлек саклау министрлыгының контакт-үзәге булдырылды. Участок терапевты, педиатр, стоматолог, акушер-гинекологка махсу телефон аша шалтыратып язылып була, дигән мәгълүматны гәзитебез битләрендә язып чыккан идек инде.

8 августта 11 сәгатьтә “ Олимпияче ” физкультура-савыктыру комплексы стадионында спорт ярышлары оештырыла. Унар спортчыдан торган командалар төрле ярышларда көч сынашачак. Катнашучыларның яше һәм саны чикләнмәгән.