Район үзәкләштерелгән китапханәсендә татар халкының бөек улы, мәшһүр әдип Габдулла Тукайның тууына 130 ел тулуга багышланган кичә шагыйрь иҗатының үлемсезлегенә мәдхия, милләтебез, телебез язмышы өчен уйлану да булды.
Аны китапханә хезмәткәрләре Алсу Гәрәева, Гүзәл Гыйльванова оештырды һәм алып барды. Сце-нарий бай эчтәлекле. Тукай турында презентация караганнан соң, шагыйрь сүзләренә язылган җырлар күңелләрне хисләндерде. Тамашага чакырылучылар да чыгыш ясарга теләк белдерде. Өлкән буын кешеләренең Тукай иҗатын яхшы белүе, Роберт Галиев, Владик Кирәевларның шигырьләр укуы, яттан сөйләве сокландырды.
Ә менә Әфидә Гыйльванова үзе иҗат иткән “Тукай безне үстерде” шигырен укыды. Анда шундый юллар бар:

Әфидә апа “Туган тел” җырын башлады, аңа залдагылар кушылды. Кичә шулай гүзәл җыр белән тәмамланды.