Халыкара бердәмлек көне уңаеннан Балалар-яшүсмерләр өчен спорт мәктәбендә шөгыльләнүчеләр арасында шахмат буенча ярышлар үтте. 1-4 сыйныф укучылары арасында Чакмагыш беренче мәктәбеннән Марсель Хуҗин беренчелекне яулады. Гимназия укучылары Нияз Мостафин, Марк Галиев һәм Руслан Хәйруллин II һәм III урыннарны бүлештеләр. 5-8 нче сыйныф укучылары арасында иң оста уенчы булып Чакмагыш беренче урта мәктәбеннән Юлай Моталлапов танылды. Гимназия укучысы Назар Тихонов II урынны яулады, ә беренче мәктәптән Нияз Хөснетдинов III урынга чыкты. Яшь шахматчыларны җиңүләре белән тәбриклибез.