Үткән атнада районда Балалар-үсмерләр спорт мәктәбе беренчелегенә үсмер кызлар арасында волейбол буенча
ярышлар үтте.
Уен нәтиҗәләре буенча бу спорт төрендә иң яхшысы булып Балалар-үсмерләр спорт мәктәбе командасы танылды. Иске Калмаш урта мәктәбе спортчылары – икенче, Чакмагыш беренче урта мәктәбе командасы өченче урынга чыкты. Дүртенче урынны Юмаш, бишенчесен – Тозлыкуш, алтынчы урынны Имәнлекул урта мәктәпләре командалары бүлеште. Шулай ук төрле номинацияләр буенча да иң оста волейболчылар билгеләнде. Чакмагыш гимназиясенең 10В сыйныфы укучысы Эльвина Хәйруллина иң яхшы һөҗүмче, шул ук уку йортының 10Г сыйныфыннан Луиза Рәхмәтуллина иң яхшы пас бирүче, Чакмагыш беренче урта мәктәбеннән Айсылу Мәһәдиева иң яхшы диагональ һөҗүмче номинацияләрендә җиңүгә иреште.