17-19 апрель көннәрендә Чишмә касабасында Башкортстан Республикасының XXIII авыл уеннары кысаларында милли көрәш бәйгесе үтте. Анда 23 авыл (мондый командаларга ия барлыгы 42 районнан) һәм 7 шәһәр (12 шәһәрдән) командалары көч сынашты. Безнең район вәкилләре, киеренке алышларда ихтыяр көче һәм зур осталык күрсәтеп, бишенче тапкыр рәттән республикада беренчелекне яулады! Баһадир егетләребз Рөстәм Исламов белән Илнур Гомәров 90 килограммнан артык авырлыктагылар арасында беренче һәм икенче, 60 килограммга кадәргеләр арасында Айдар Кодаяров өченче урынны яуладылар. 90 килограммга кадәрле авырлыктагылар арасында Илнур Галишин дүртенче, 80 килограммга кадәрге авылыкта Динар Кәлиев бишенче урыннарга ия булды. Баһадир егетләребезнең һәммәсе дә күп тапкыр Русия һәм Башкортстан чемпионы титулына ия тренер Рөстәм Илһам улы Зыякаев кул астында тәрбияләнә. Районыбыз данын тагын бер тапкыр югары баскычка күтәргән егетләребезгә зур рәхмәт белдереп, яңадан-яңа җиңүләр телибез.