Узган атнаның шимбә һәм якшәмбесендә район күләмендә берничә күмәк спорт ярышлары үткәрелде.
21 мартта “Олимпияче” физкультура-савыктыру комплексында Бөек Җиңүнең 70 еллыгына багышлап авыл яшьләре спартакиадасының беренче этабы уздырылды. Анда ун авыл Советы биләмәсеннән спорт сөючеләр катнашты.
Ярышлар нәтиҗәләре түбәндәгечә: шашка буенча ир-егетләр арасында Урал Әһәдуллин (Тозлыкуш) – беренче, Рәшит Шәяхмәтов (Яңа Коты) – икенче, Рәфил Әрдәширов (Бәшир) өченче урынны алды. Хатын-кызлар арасында Альбина Хәмәтдинова (Яңа Коты) җиңү яулады. Гөлсинә Шабазова (Үрнәк) – икенче, Гөлфия Потапова (Тозлыкуш) өченче урынны алды.
Шахматта Камил Васиков (Яңа Балтач) иң оста уенчы булып танылды. Финал Юнысов (Имәнлекул) – икенче, Фоат Латыйпов (Чакмагыштан, эшкуар) өченче урынга лаек булды. Хатын-кызлар арасында Ләйсән Муллаянова (Яңа Коты) җиңеп чыкты. Фәнилә Шәфыйковага (Чакмагыш, гимназия) – икенче, Вәсилә Әсәдуллинага (Тозлыкуш) өченче урын бирелде.
Гер спорты буенча 60 килограммга кадәрге авырлыкта Илнур Фәтыйхов (Яңа Коты) иң көчлесе булды. Айнур Ибраһимов (Рәҗәп) – икенче, Илнур Гыйльванов (Чакмагыш) өченче урынны алды. 70 килограммга кадәр авырлыкта Илнур Ижбулдин (Рәҗәп), Рәсүл Усманов (Яңа Балтач), Вилсур Әюпов (Рәҗәп), 80 килограммга кадәр – Алмаз Хөснетдинов (Яңа Коты), Ленар Габдрахманов (Үрнәк), Рөстәм Баһманов (Тозлыкуш), 90 килограммга кадәр – Айрат Янгиров (Яңа Коты), Иван Макаров (Юмаш), Илнур Бикмөхәммәтов (Рапат), 90 килограммнан югары – Азамат Гатауллин (Үрнәк), Илнур Зарипов (Яңа Коты), Азат Башаров (Рәҗәп) беренче, икенче һәм өченче урыннарны алдылар. Хатын-кызлар арасында 60 килограммга кадәр авырлык категориясендә гер күтәргән Миләүшә Ситдикова (Рәҗәп) беренче, Инзира Гыйбашева (Үрнәк) – икенче, Әлфинә Нуйкина (Чакмагыш) өченче урыннарга лаек булды.