Кышлату барышы
Әлеге чорда районның терлекчелек фермаларында һәр көнне 1313 центнердан артык сөт җитештерелә. Бу узган елның шул чоры белән чагыштырганда артыграк, сату күрсәткече дә 22 центнерга күбрәк. “Базы” авыл хуҗалыгы кооперативында сөт сатуны 34 центнерга арттырдылар. Район буенча бүген һәр сыердан тәүлегенә уртача 18 килограмм (2016 елда – 17,6 килограмм) сөт савыла. “Герой” авыл хуҗалыгы кооперативында бу күрсәткеч – 24,8 килограмм тәшкил итте. “Базы” (20,4 килограмм), “Заря” (21,4) кооперативларында шулай ук һәр сыердан сөт савып алу күрсәткечләре былтыргыдан югарырак.
“Базы”, “Герой”, “Алга”, Ленин исемендәге кооперативларыннан, җаваплылыгы чикләнгән “Байбулат” җәмгыятеннән кабул иту пунктларына югары сыйфатлы сөт озатыла, димәк хуҗалык кассасына күбрәк акча керә.