Башкортстан Республикасы Башлыгының агымдагы елның 13 сентябрендәге УГ-197 санлы Указын үти барып, “Башкортстан Республикасында бәйрәмнәр һәм истәлекле көннәр турында” Башкортстан Республикасы Законының 1 маддәсенә ярашлы муниципаль район хакимияте башлыгы районыбызда Башкортстан Республикасы дәүләт суверенитеты турында Декларация кабул ителүгә 26 ел тулу – Республика көненә багышланган тантаналарны оештырып үткәрү турындагы карарга кул куйды.
Карарга ярашлы, 7 октябрьдә район мәдәният йортында муниципаль район Советы депутатлары, хуҗалыклар, предприятиеләр, учреждениеләр һәм оешмалар җитәкчеләре, авыл биләмәләре башлыклары, җәмәгатьчелек берләшмәләре һәм хезмәт коллективлары вәкилләре катнашлыгында тантаналы җыелыш үткәреләчәк. Авыл биләмәләре башлыкларына да муниципаль берләшмәләрдә бәйрәм чаралары оештырып үткәрү йөкләтелә.
Чараларны үзбиеклегендә әзерләп үткәрү максатында 13 кешене берләштергән оештыру комитеты һәм үткәреләсе бәйрәм тантаналары исемлеге дә расланды, анда һәркайсының тәгаен үткәреләчәк урыны, вакыты һәм үткәрү өчен җаваплы вазыйфа биләүчеләр ачык билгеләнгән.
Чакмагыш мәгълүмат үзәгенә (Ф.Ф. Әмирханов) һәм Чакмагыш телевидениесенә (Э.Ә. Сөндекова) чараларга әзерлек һәм аларның барышын матбугатта яктырту тәкъдим ителә, район эчке эшләр бүлеге (Р.Н. Әсләмов) һәм район үзәк дәваханәсе (С.З. Гыйззәтуллин) җәмәгать тәртибен саклау һәм халыкны медицина хезмәтләндерүе өчен җаваплы итеп билгеләнгән.
Карар үтәлешенә контрольлек муниципаль район хакимияте башлыгы урынбасары Г.Ф. Крюковка йөкләтелә.