Кичә, 25 декабрь көнне, Балалар иҗат үзәгендә муниципаль район хакимияте башлыгы чыршысына төрле мәктәпләрдән укуда, спортта, иҗатта алдынгы егетләр һәм кызлар җыелды. Биредә алар өчен күңелле җыр-биюле «Чуртан әмере, Яңа ел теләге буенча” исемле рус халык әкиятенең хәзерге заман ритмнары белән эшкәртелгән могҗизалы күренеше каршы алды. Кичәдә муниципаль районы хакимиятенең эшләр белән идарәчесе Илгиз Фаил улы Ихсанов, район мәгариф бүлеге начальнигы Мәнзүрә Җәүдәт кызы Нәбиева, мәгариф хезмәткәрләренең профсоюз оешмасы рәисе Зөлфия Әдип кызы Сабирова катнашты. Мәгариф бүлеге методисты Вероника Викторовна Дәүләтова кичәне ачык дип игълан иткәч, муниципаль район хакимияте башлыгы Риф Сәгъдәтулла улы Йосыпов исеменнән Илгиз Фаил улы Ихсанов залда утыручыларга мөрәҗәгать итеп:
— “Яңа ел – балачактан ук көтеп ала торган, иң күңелле, аңлатып бе-терә алмаслык могҗизалар иленә әйләнгән бәйрәм ул. Аның якты истәлеге, тылсымлы көче кешене гомере буе озата бара. Яңа елдан без яңа ачышлар, яңа үзгәрешләр, көтәбез. Ул нинди булачак дигән сорауны еш кабатлыйбыз. Бүгенге бәйрәмгә районыбыз мәктәпләрендә белем алган иң актив, булдыклы, төрле бәйге-конкурсларда зур уңыш-җиңүләргә ирешкән тырыш укучылар җыелды.
(Дәвамы белән безнең гәзит битләрендә таныша аласыз)

Әзерләде: Рәсимә Мөхәммәдиева.