Елдагыча, көзге эшләр тәмамлангач, район үзәгендәге “Бикә-Әдһәм” мәчетендә “Ислам нуры” түгәрәге эшчәнлеген дәвам итә. Ничә яшьтә булуына карамастан, хак динебез нигезләрен үзләштерергә, гарәп хәрефләрен танырга һәм намаз укырга өйрәнергә теләгән һәр райондашыбыз өчен ишекләребез ачык. Алдагы елларда “Ислам нуры” түгәрәгендә дәресләр атнасына ике тапкыр үткәрелеп килде. Быел да аларның атнаның кайсы көннәрендә һәм сәгатьләрендә билгеләнәчәген сөйләшер-оештырыр өчен үткәрелгән беренче дәрес-әңгәмә район үзәгендәге мәчеттә 1 ноябрь көнне 14.00 сәгатьтә башланачак. Белешмәләрне 8-961-045-72-62, 8-917-753-16-05 телефоннары аша да алырга була.