Яшүсмерләр һәм яшьләр аңында наркотикларга, тәмәкегә һәм алкогольгә карата тискәре караш булдыру, сәламәт яшәү рәвешен пропагандалау максаты белән районның яшьләр эшләре, физкультура һәм спорт буенча комитеты һәм Яшьләр үзәге белгечләре район биләмәсендә 1 октябрьдән 30 октябрьгәчә наркомания, тәмәке тарту һәм алкоголизмны профилактикалау буенча айлык үткәрү өчен чаралар планын кабул итте.
Шушы вакыт дәвамында укучылар һәм яшьләр күпләп җыелган урыннарда рейдлар, сыйныф сәгатьләре, «Мин тормышны сайлыйм» урам акцияләре, 85 лицей студентлары һәм гимназия, беренче урта мәктәп укучылары белән түгәрәк өстәлләр, «Әни, әти һәм мин — спорт гаиләсе» район спорт ярышлары, өлкән сыйныф укучылары өчен «Язмышың үз кулыңда» дип исемләнгән тематик дискотекалар,балигъ булмаган үсмерләр белән көнүзәк мәсьәләләргә кагылышлы анкеталаштыру чарасы үткәреләчәк, наркомания, тәмәке тарту һәм алкоголизмны кисәтүче эчтәлекле буклетлар, искәрмәләр, флаерлар таратылачак. Профилактика айлыгындагы эшчәнлеккә 30 октябрьдә нәтиҗәләр ясалачак.