Кайсыбыз гына табигый чисталыгы, гүзәллеге сакланган елга-инеш буйларында ял итәргә, чүпләнмәгән, пөхтә-таза урамнардан йөрергә яратмый икән? Без яшәгән заманда тирә-як мохитне саклау проблемасы аеруча кискен тора.
18 сентябрьдә Яшьләр үзәге белгечләре һәм “Яшь гвардия”, Яшьләр советы активистлары “Чиста Чакмагыш” экологик акциясен үткәреп, район үзәгендәге халык күпләп ял итә торган буа ярларын тазарттылар. Тәүдә мондагы хәлләрне күргәч һушыбызны җыя алмый тордык дисәк тә, һич арттыру булмас – ял урыны чын мәгънәсендә чүплеккә әверелгән иде.

“Алга” авыл хуҗалыгы җитештерү кооператив-колхозында агымдагы елның 23 сентябрендә үтк ән терлекчелек буенча чираттагы район семинар-киңәшмәсендә сүз нигездә шул турыда барды.
Анда муниципаль район хакимиятенең авыл хуҗалыгы бүлеге, район вете-ринария станциясе, токымчылык предприятиесе җитәкчеләре һәм белгечләре, район хуҗалыкларының зооветеринария белгечләре, ясалма орлыкландыру операторлары һәм шулай ук Екатеринбург шәһәреннән җаваплылыгы чикләнгән “Урал токымчылык үзәге” җәмгыяте, “Велес” предприятиесе вәкилләре катнашты.

27 сентябрь көнне Чакмагыш авыл Советы авыл биләмәсе хакимияте физкультура-савыктыру комплексында “Милли кросс – 2015” үткәрә. Ярышлар 5-7, 8-9, 10-11 сыйныф укучылары, 18 яшьтән алып 35 яшькә кадәр егетләр һәм кызлар, 36 яшьтән алып 50 яшькә кадәр һәм аннан да өлкәнрәк ир-атлар һәм хатын-кызлар арасында оештырыла.
Сәламәтлек бәйрәме иртәнге сәгать 11.00 дә башлана.
Ярышларга рәхим итегез!

Токымсыз малны күпме генә тәр-бияләсәң дә, продукция муллыгына өмет тотасы юк. Фәкать яхшы нәселле терлекләрне генә үрчетү максатка илтә. Бу җәһәттән ирешелгәннәр куанычлы. Районны республика күләмендә мактаулы итүдә “Герой” кооперативы эшчәннәренең тырышлыгы аеруча игътибарга лаеклы.

26 сентябрь көнне районыбызның 85 еллыгына һәм Өлкәннәр көненә багышлап өлкән буын вәкилләре арасында многоборье буенча район ярышлары үтәчәк. Ярышларда 55 яшьтән алып 80 яшькә кадәр булган хатын-кызлар һәм 60 яшьтән алып 85 яшькә кадәр булган ир-атлар катнаша ала. Катнашучыларны теркәү вакыты иртәнге сәгать 9дан алып 10 сәгатькә кадәр дәвам итә. Ярышлар “ Олимпияче” физкультура һәм савыктыру комплексында 11 сәгатьтә башлана. Спорт һәм сәламәтлек бәйрәменә рәхим итегез, хөрмәтле райондашлар!
Оештыручы, спорт ветераны,мәгариф отличнигы

17 сентябрьгә район мәгълүмат-консультацияләр бирү үзәгендә тупланган күрсәткечләр буенча, ашлык суктыруда иң югары нәтиҗәләргә ирешеп “Победа” кооператив-колхозыннан “Полесье-КЗС-1218” комбайнында Мәкки Камалетдинов (25250 центнер), шул ук хуҗалыктан шундый ук маркалы техникада Ирек Бохаров (18216) һәм “Базы” кооперативыннан Фәндәл Бәдретдинов («АКРОС-530», 17884) урак кампаниясенең әйдәүчеләре булып торалар.