Русия Федерациясе Хезмәт кодексының 112 маддәсенә ярашлы, 12 июнь – Русия көне – эш көне булмаган ял көне.
2016 елда эш көне булмаган бәйрәм көне 12 июнь гадәти ял көне – якшәмбегә туры килә. Ял һәм эш көне булмаган бәйрәм көне туры килгәндә ял көне шушы көннән соң килгән артабангы эш көненә күчерелә. Моңа ярашлы, 12 июньгә туры килгән ял көне дүшәмбе, 13 июньгә күчерелә. Җомга, 10 июнь көнендә эш сәгатьләре кыскартылмый.
Шулай итеп, биш көнлек эш атнасы графигына нигезләнеп эшләгәндә, бәйрәмгә бәйле ял көннәре дип 2016 елның 11, 12 һәм 13 июнь көннәре игълан ителә. Русия Федерациясе Хезмәт кодексының 120 санлы маддәсе нигезендә ел саен бирелә торган һәм түләүле өстәмә отпускларны исәпләгәндә эш көне булмаган бәйрәм көне 12 июнь отпускның календарь көннәре исәбенә кертелми.