Абунәчеләр лотереясы

Алдан хәбәр итүебезчә, декабрь аенда һәр атнаның дүшәмбе көнендә “Игенче” гәзитенә алдагы атнада язылган әбүнәчеләребез арасында “Башкортстан Республикасы” нәшрият йорты дәүләт унитар предприятиесе әзерләгән бүләкләрдән лотерея отышлары үткәрелә. Бу атнада, 21 декабрьдә, өчешәр савыт-саба җыелмасын һәм юка пледларны уйнатуда район үзәгендәге Балалар иҗат үзәге педагогы Илгизәр Гаскәров катнашты. Почтада һәм редакциядә яздырылган 64 квитанция күчермәләре арасыннан очраклы рәвештә тартып алу юлы белән бәхетле абунәчеләребез ачыкланды. Савыт-саба җыелмалары В.Галимов урамы, 8 йортта яшәүче И.Шәйдуллинга, Иске Калмаш авылының Гагарин урамы, 71 санлы йортта гомер кичерүче Илдар Ганиевка, Аблай авылы, Кодаяров урамы, 134 санлы йортта яшәүче Рәсимә Фазлыевага чыкты. Ә инде район үзәгенең Көнбатыш урамы, 23а санлы йортның, 1 фатирында гомер итүче Равил Кадыйров, В.Галимов урамы, 7 санлы йортта яшәүче Р.Бәширова һәм Яңа Тайняш авылының шул ук исемдәге урамында яшәүче Фәрит Әхмәтов юка плед ияләре булдылар. Бүләк ияләреннән отышларны эш көннәрендә һәм сәгатьләрендә редакциягә килеп алуларын сорыйбыз. Үзегез белән паспортларыгызны һәм ИНН таныклыкларын да алып килергә онытмавыгызны үтенәбез.
Хәтерегезгә төшерәбез: гәзит-журналларга язылу кампаниясе тәмамлануга санаулы гына көннәр калды. “Игенче” гәзитенә почтамтта, элемтә бүлекчәләрендә, почтальоннарда 2016 елның беренче яртысына 727 сум 94 тиенгә, редакциядә, аның хезмәткәрләрендә һәм гәзит таратучыларында район үзәгендә шул ук 6 айга 600 сум, тоташ бер елга 1200 сумга яздырырга (башка авылларда яшәүчеләргә еллык язылу 1500 сум) була. Әлеге отышларда квитанцияләр бердәй катнашса, еллык язылучыларны аерым Абунәчеләр лотереясе һәм күп кенә призлар көтә. Әйдәгез, бердәм булыйк, дәррәү язылыйк!