Вәгъдә ителгәнчә, кичә, 7 декабрьдә, редакциядә, үзәк почтамтта һәм авыллардагы почта бүлекчәләрендә гәзитебезгә 6 айдан да кимрәк бул-маган вакытка “Игенче”не киләсе 2016 елда да алдырырга теләк белдереп, 1 декабрьдән башлап квитанция тутырткан әбүнәчеләребез җибәргән квитанция күчермәләре арасында атналык лотерея отышы үткәрелде. Барлыгы 87 квитанция уйнатылды. Чакмагыш авылында Кыр урамы, 63 (Зәйдуллина М.М.), Тынычлык урамы, 17/1-3 (Асылова Д.), Көньяк урамы, 48 (Якупова Н.У.) йорт адреслары буенча гомер кичерүче абүнәчеләребез салат савытлары җыелмасын оттылар. Район үзәгендә Яшьләр урамы, 22-2 (Низаметдинова), Кольцевая, 3 (Гарипова Ф.М.), Азатлык урамы, 114 (Гәрәева Р.) адресы буенча яшәүче гәзит укучыларыбыз пледлар ияләре булдылар. Бәхетле бүләк ияләрен Чакмагыш беренче урта мәктәбе укучысы Денис Сәхапов билгеләде.
Бүләк ияләрен алда күрсәтелгән отышларны агымдагы атнада эш көннәрендә, эш сәгатьләрендә редакциядән килеп алырга чакырабыз. Бүләк алырга килгәндә үзегез белән паспортыгызны һәм ИНН номеры таныклыгын алып килергә онытмагыз!