Сәламәт яшәү рәвеше
85 санлы һөнәрчелек лицееның спорт залына – Ватанны саклаучылар көне уңаеннан оештырылган спорт бәйрәменә өлкән яшьтәгеләр җыелды.
Бу көнне алтмышлаган кеше көчен-куәтен, җитезлеген сынады: чаңгыда узышты, мылтыктан атты, таяк, аркан тартышты, кул көрәштерде, шашка, дартс һәм башка ярыш-уеннарда катнашты. Судьялар – отставкадагы полковник Ринат Фәтыйхов, ДОСААФ инструкторы Риф Шакиров, тренер Ранис Баянов, активлардан Фирдәвис Заһидуллин, Идгар Еникеев, Тимур Батыршин, Рабис Кәбиров, Илһам Солтанов очколарны исәпләп, җиңүчеләрне билгеләде.
Һәр спорт һәм уен төре буенча өчәр урын билгеләнде, җиңүчеләргә дипломнар һәм бүләкләр бирел-де. Соңыннан барысы да лицей пешекчеләре әзерләгән чәй табы-нына рәхим итте. “Солдат боткасы” белән сыйланды.
Район хакимияте өлкәннәрне күңелле ял иттерү, сәламәт яшәү рәвешен пропагандалау максатында оештырылган чараның матди чыгымнары өчен бюджеттан акча бүлде. Чарада катнашучы өлкәннәр үзләренә бәйрәм оештыруны хәс-тәрләгән район ветераннар советы рәисе Радис Сәрвәровка рәхмәтен белдерде.

Әзерләде: Рәзифә Сәхапова.