Хөрмәтле спорт сөюче райондашлар! Сезне шимбә, 7 мартта, сәгать 11дән урман хуҗалыгы питомнигы каршысындагы (Яңа Котыга киткән юл буенда) чаңгычылар трассасында үтәчәк “Игенче” гәзите редакциясе призларына традицион чаңгычылар ярышына чакырабыз. Узышлар биш яшь төркеме буенча төрле араларга булачак. Җиңүчеләр район “Игенче” гәзитенә елның икенче яртысына язылу квитанцияләре, грамоталар һәм истәлекле бүләкләр белән дәртләндереләчәк. Кулланучылар җәмгыяте хезмәткәрләре тәм-томнар һәм кайнар чәй белән сыйлаячак. Үзләрен сынап карарга теләүчеләр һәм саф урман һавасы сулап, узышчыларны дәртләндереп торучы көярмәннәр, рәхим итегез!