Ана назы – җирдә ул мәңгелек,
Мәңгелек җыр-бишек җырыгыз.
Без узасы юлда маяк булып
Гомер буе балкып торыгыз.
Бу көннәрдә районыбызда сөекле хатын-кызлар, кадерле гүзәл затлар – әниләр көненә багышлап мәдәни чаралар үткәрелде. Үткән җомгада Чакмагыш мәдәният йорты балкып торды.

Басу эшчәннәре сынауны уңышлы тотты: вакытында чәчте, чәчүлекләрне тәрбияләде, уңышын җыеп алды. Бушанып калган җирләр йокыга талды. Әмма җир кешесе күңелендә тынгылык юк: киләсе яз, алдагы уңыш турында бүгеннән хәстәрлек күрергә тиеш ул. Хуҗалык җитәкчеләре, баш инженерлар, баш агрономнар, бригадирның техника буенча ярдәмчеләре “Октябрь” авыл хуҗалыгы кооперативында үткәрелгән семинар-киңәшмәгә шул хакта сөйләшергә, башкарыл-ганнарны барларга, киңәш корырга, алга максат куярга җыелды.